Princi Harry ka dhënë dorëheqjen nga fondacioni bamirës Sentebale, të cilin e themeloi në vitin 2006 së bashku me Princin Seeiso të Lesotos, pas një konflikti të ashpër mes bordit drejtues dhe kryetares së tij, Dr. Sophie Chandauka.
Tensionet brenda organizatës u bënë të dukshme kur një grup anëtarësh të bordit, përfshirë Mark Dyer – ish-truproja dhe mentori i princit – kërkuan largimin e Chandaukës nga posti i saj. Pasi ajo refuzoi të largohej, ata dhanë dorëheqjen, ndërsa Harry u largua në shenjë solidariteti me ta.
Në një reagim të ashpër, Dr. Chandauka akuzoi kritikët e saj për “keqmenaxhim, abuzim me pushtetin, bullizëm, seksizëm dhe racizëm”. Ajo i kritikoi ashpër ata që, sipas saj, “luajnë rolin e viktimës dhe përdorin mediat që pretendojnë se i përbuzin për të dëmtuar të tjerët”.
Ky zhvillim ka sjellë pasiguri mbi të ardhmen e Sentebale, një fondacion që ka ndihmuar fëmijët e prekur nga HIV/AIDS në Afrikë për gati dy dekada. Deri tani, as Princi Harry dhe as Sentebale nuk kanë dhënë detaje për hapat e ardhshëm të organizatës.
