Pirro Çako i dha fund pas 6 vitesh lidhjes me partneren 27 vite më të re, Sisilia Ujka. Çifti e bëri publike lidhjen në fund të vitit 2011, duke u shfaqur në publik gjithnjë në krah të njëri-tjetrit, pavarësisht se u përfol shpesh për diferencën e moshës.
Që nga ai moment Sisi dhe Pirro shfaqeshin kudo të pandarë. Por tashmë burime pranë këngëtarit kanë konfirmuar ndarjen mes të dyve. Do të ishte viti 2013, ku partnerja e këngëtarit të mirënjohur do të deklaronte se dëshironte dhe një fëmijë.
Megjithatë përgjatë gjithë këtyre viteve çifti ka preferuar të shijojnë këtë marrëdhënie të dy, pa pasur një fëmijë. Sidoqoftë ata tashmë po vazhdojnë jetën e tyre larg njeri-tjetrit teksa këngëtari krahas kësaj ngjarje ka preferuar që të tërhiqet edhe nga muzika, të paktën përkohësisht.
