E kemi thënë e stërthënë sa krenarë jemi për këngëtaren shqiptare Dua Lipa, e cila na ka bërë krenarë në mbarë botën me talentin, punën e suksesin e saj.
Që në moshë të vogël, ajo ka punuar fort për të mbërritur aty ku është sot, në majën që të gjithë e shohin me admirim!
Por, e dini pse ajo vendosi t’i prezantohej gjithë botës me emrin e saj shqiptar, Dua?
“‘Dua’ do të thotë dashuri në gjuhën shqipe. Është vërtet interesante që unë kam emrin tim të vërtetë edhe në art. Unë kam mësuar të vlerësoj emrin tim shumë më shumë,” tha ajo. “Duke jetuar në Londër me një emër si Dua, mendoj se thjesht doja të isha si të gjithë si çdo fëmijë tjetër.”- u shpreh këngëtarja.
Dua Lipa u bë një nga artistet më të dëgjuara të vitit 2020 kur publikoi albumin e saj të dytë, “Future Nostalgia”, kur pandemia e Covid-19 na mbylli në shtëpi.
“Ishte padyshim një moment kur po mendoja për të, nëse ishte vendimi i duhur për ta nxjerrë këtë album. Por, kur po bëja këtë album ai shërbeu, si një formë arratisjeje,” tha Lipa për “CBS This Morning” përball prezantueses Gayle King. “Unë duhej të ndiqja instiktin tim të brendshëm që, shpresoja se do të shërbente si pak dritë në errësirë dhe do t’i mbante njerëzit në shtëpitë e tyre. Dhe ndoshta kjo ishte saktësisht koha e përkryer për ta publikuar”.- tregoi Dua.
Kënga e saj “New Rules” e futi atë në Billboard Hot 100 dhe frymëzoi shumë persona që po përjetonin probleme me partnerin/en në lidhjet e tyre të dashurisë.
Por, a ishte e bazuar kënga në një përvojë personale?
“E dini, unë do të doja të mendoja se unë jam padyshim në një vend shumë më të lumtur. Unë u ndjeva si edhe me regjishtrimin tim të parë, sepse isha duke kaluar nëpër shumë pengesa personale në jetën time private, sa më ndihmoi muzikë dhe ndjeva sikur isha mbërthyer pak, ishte ideja që unë duhej të isha e trishtuar në mënyrë që të bëja muzikë, “tha Lipa. “Dhe kështu kur fillova të bëj” Future Nostalgia “, po mendoja ” Nuk ka asnjë arsye që unë të bëj këngë të trishtuara “. Po kaloj kohën më të mirë. Jeta është e mrekullueshme.”-rrëfeu Dua.
https://youtu.be/ytb1jjFQ6q0
