Përfundimi i ndeshjes së djeshme të Kombëtares shqiptare me Jordaninë nuk ka përfunduar me fitore, ashtu siç pritej, por me një barazim pa gola.
Pas ndeshjes moderatorja Ilda Bejleri ndodhej në stadiumin e Elbasanit për t’i marrë një intervistë tranjerit Panucci, por ky i fundit ka refuzuar të flasë.
Ai e ka lënë më kot në pritje moderatoren, e cila e acaruar, në lidhjen direkte me studion, e ka cilësuar veprimin e tranjerit të Shqipërisë si arrogant dhe aspak korrekt.
Mendimi i saj është mbështetur edhe nga ish-tranjeri i Kombëtares, Astrit Hafizi, i cili tha se sjellja e Panucci-t ishte e papranueshme.
“Të gjithëve nuk na pëlqen të flasim kur punët nuk janë mirë, ndërkohë që jemi të detyruar të respektojmë mediat dhe opinionin publik. Sjellja e trajnerit është e papranueshme. Ai e nënvelërson shumë Shqipërinë dhe teksa u kërkon lojtarëve të jenë profesionistë, për vete jep shembullin e kundërt. Tërësisht e papranueshme kjo sjellje. Nuk e kam parë në asnjë vend”, ka përfunduar Hafizi duke folur për “Supersport”.
Megjithatë “Iconstyle.al” konfirmon se Panucci dha një intervistë pas ndeshjes.
Ai foli në një intervistë të shkurtër për mikrofonin e TVSH-së, ku vlerësoi punën e lojtarëve shqiptare edhe pse fundi i ndeshjes nuk ishte ai që pritej.
Ta ketë pasur me Ildën, apo thjesht nuk kishte kohë?
