Çdo vit, çmimet “BET Awards” vlerësojnë artistët me ngjyrë në botën e aktrimit. Will Smith u konsiderua si mbreti i këtyre çmimeve krah gruas së tij, Jada Pinkett Smith. Por për arsye të paditura, asnjëri prej tyre nuk mori pjesë në ceremoni. Pavarësisht nga kjo, “BET Awards” ende vendosi të nderojë Will Smith për rolin e tij si Richard Williams në filmin “King Richard”.
Në fakt, filmi fitoi edhe çmimin “Best Picture”, filmin më të mirë gjatë një mbrëmjeje të mbushur me shumë momente të mrekullueshme. Ndryshe nga “Oscars” apo “Golden Globes”, “BET Awards” kanë një listë të kombinuar të nominuarve për aktor dhe aktore mes filmit dhe televizionit. Kjo ndodh sepse ata nominojnë vetëm aktorë me ngjyrë.
Kë mundi Will Smith në kategori?
Krahas Will Smith, kishte disa aktorë të tjerë të nominuar për çmimin. Adrian Holmes dhe Jabari Banks për performancat e tyre në emisionin ‘Bel-Air’. Sterling K. Brown për ‘This Is Us’, Anthony Anderson për ‘Black-Ish’, Damson Idris për ‘Snowfall’, Denzel Washington për ‘Tragedy of Macbeth’ dhe Forest Whitaker për rolet e tij në ‘Respect’ dhe ‘Godfather of Harlem’.
Smith padyshim nuk ishte i pranishëm për shkak të mungesës së tij nga jeta publike pas shuplakës famëkeqe kundër Chris Rock në Oscars. Kjo natë e “BET Awards” duhej të ishte një festë e trashëgimisë dhe karrierës së tij, por me gjestin e tij Will i “shkatërroi” arritjet e tij.
