Miley Cyrus dhe Liam Hemsworth tani kanë arritur në një marrëveshje divorci dhe ditën e martë avokatët e tyre do të dërgojnë në gjykatë dokumentet e nevojshëm.
Burime për “TMZ” bëjnë me dije se arritja e marrëveshjes nuk ishte shumë e vështirë për ta, pasi nuk kanë fëmijë.
Ish të dashuruarit kanë vendosur që kafshët e tyre t’i mbajë Miley, meqë ajo ka qenë gjithmonë më e kujdesshme.
Hemsworth, 29-vjeç, paraqiti divorcin për t’u ndarë nga Cyrus në gusht të këtij viti, shtatë muaj pas martesës së tyre më 23 dhjetor 2018.
Duket se 1 vit pas martesës nuk ka më kthim pas dhe procedurat e divorcit përfundojnë në mars të vit 2020.
Aktualisht Miey dhe Liam kanë krijuar histori të reja dashurie duke lënë kështu pas të shkuarën.
Pas ndarjes, Miley pati një romancë të shkurtër me Kaitlynn Carter ndërsa prej pak muajsh është në lidhje me Cody Simpson.
Ndërsa, aktori është parë së fundmi në shoqëri të modeles Gabriella Brooks, me të cilën thuhet se ka nisur një romancë.
