Një ish-oficer i policisë së Lezhës është vënë në pranga në Francë, pasi akuzohet për një vrajse të ndodhur në Lezhë në vitin 2010.
Skënder Seferi ishte shpallur në kërkim dhe dënuar me 5 vite burg nga gjykata për vrasjen e një 15-vjeçari, më 17 korrik të vitit 2017 në vendin e quajtur “Ura e Cenit” në Lezhë.
Gjatë një operacioni policia qëlloi me armë në drejtim të një automjeti, ku për pasojë mbeti i vdekur Armando Skandaj i cili po udhëtonte së bashku me vëllanë e tij dhe një person tjetër.
Plumbi që i mori jetën të riut kishte dalë nga arma e Skënder Seferit i cili në atë kohë mbante detyrën e shefit të antiterrorit në Drejtorinë Vendore të Policisë në Lezhë.
Seferi është arrestuar disa muaj më parë dhe po vijojnë me procedurat për ekstradimin e tij drejt Shqipërisë.
Si ndodhi ngjarja
Vëllai i Armandos, Ardit Skandaj kishte vjedhur me armë tre shtetas malazezë në kryqëzimin e Kallmetit.
Vjedhja, sipas Prokurorisë së Lezhës, kishte ndodhur më 15 korrik, ndërsa me 17 korrik, policia u vu në ndjekje të makinës së Skandajt.
Në Urën e Cenit, forcat e policisë i bllokuan automjetit rrugën me mjete, një motor dhe një makinë policie. Skandaj çau rrethimin, ndërsa policia u detyrua të qëllonte me armë mbi makinën.
