Hetimet nisëm për vrasje nga grabitësit! Arrestohet bashkëshorti i Liridona Murselit, dyshohet të jetë autori
Ish-këshilltari i Behgjet Pacollit, Naim Murseli është personi i parë i dyshuar për vrasjen e bashkëshortes së tij Liridona Murselit.
Ndonëse hetimet nisën për identifikimin dhe kapjen e grabitësve, dinamika e ngjarjes ngre dyshime se Murseli mund të ketë ‘gisht’ në vrasjen e bashkëshortes së tij, Liridonës.
Ai është vënë në pranga mbrëmjen e kësaj të premte, bashkë me një person tjetër të dyshuar. Në momentin kur ka ndodhur ngjarja Liridona ka qenë në makinë bashkë me Naimin dhe dy fëmijët.
Fillimisht, autoritetet dyshuan se 33-vjeçarja është vrarë nga grabitësit, por që kjo duket se nuk është e vetmja pistë hetimi.
Ngjarja ka ndodhur pasditen e së mërkurës. Liridona ishte në makinë me bashkëshortin dhe dy fëmijët, kur në afërsi të shtëpisë së saj në dalje të Prishtinës u sulmua me armë zjarri, ku mbeti e vrarë. Ndërsa, ish-këshilltari i Behgjet Pacollit, njëherësh bashkëshorti i saj, Naim Murseli dhe dy fëmijët shpëtuan.
