Policia ka arrestuar bashkëshortin e gruas që u vetëvra me fotoksinë, Xhemal Loka. Nga hetimet rezultoi se 45-vjeçari ka dhunuar në mënyrë të vazhdueshme bashkëshorten e tij, Bedrie Loka.
Ai ishte kthyer nga Greqia dhe e kishte kërcënuar me thikë gruan për ta vrarë, në prezencë të njërit prej fëmijëve të tyre.
Policia gjeti dhe sekuestroi 1 armë zjarri automatik tip “Sharrs”, një krehër dhe një sasi municioni luftarak gjatë kontrollit në banesën e çiftit.
Dyshimet për dhunë nga bashkëshorti u hodhën fillimisht nga vëllezërit e të ndjerës.
Teksa fëmijët rrëfyen dhunën e të atit, Loka fshehu telefonin tek e motra, ku iu gjetën video kompromentuese.
Ende nuk dihet nëse motra e tij është bashkëpunëtore në fshehjen e ngjarjes.
