Një operacion i policisë mëngjesin e sotëm në qytetin e Elbasanit, ka bërë që shumë persona të shoqërohen në polici. Një nga të arrestuarit është edhe Ardian Capja i cili u ka shpëtuar disa atentateve për ekzekutim.
Mësohet se midis 8 punonjësve të administratës që janë arrestuar, dy janë gazetarë. Arrestimet e dy punonjësve të medias janë bërë në Tiranë. Një prej të shoqëruarve është Suela Musta, anëtare e AMA-s.
Ende nuk dihen rrethanat e këtij shoqërimi, ndërsa dyshohet se është vënë në pranga dhe Zylyftar Bregu. Sipas “FAxweb”, dyshohet se këta dy persona kanë ndikuar për t’i dhënë liçensën e kabllorit fisit Çapja.
Deri tani nga operacioni në Elbasan janë shoqëruar në polici 50 persona. Mësohet se në pranga ka rënë dhe Florenc Çapja.
Sipas Ballkanweb forcat RENEA kanë bllokuar të gjithë hapësirën ku ndodhet resorti “Univers” në pronësi të familjes Çapja. RENEA ushtroi kontrolle në të gjitha ambientet e resortit prej dy orësh.
Në kuadër të operacionit të policisë ndaj fisit Çapja, është shoqëruar dhe pedagogu i gazetarisë Zylyftar Bregu, dhe anëtarja e AMA Suela Musta. Bregu dhe Musta dyshohet se kanë favorizuar Çapjan për një kabllor lokal në qytetin e Elbasanit.
Shoqërimet e tyre dyshohet se janë kryer në Tiranë, me urdhër të prokurorisë së Elbasanit.
Burimi: Gazeta Reforma
