Gjykata Federale rrëzoi vendimin e qeverisë dhe i dha vizë kampionit serb, por për autoritetet ende nuk ka përfunduar, tenisti ende mund të dëbohet nga vendi ose mund të arrestohet.
Novak Gjokovic fitoi apelin, mori një vizë për të qëndruar në Australi dhe për të luajtur Grand Slam. Por beteja ligjore nuk ka mbaruar aspak. Gjyqtari, i cili e kishte cilësuar si “të paarsyeshëm” vendimin për ndalimin e hyrjes në vend, pranoi tezën e avokatëve të tij për përjashtimin nga vaksina kundër Covid-it, të vërtetuar me dokumentacion mjekësor.
Por mesa duket mosvaksinimi i tenistit ka nxitur pakënaqësi dhe revoltim tek publiku, pasi sipas tyre ky veprim nuk është aspak shembull i mirë për të gjithë, e sidomos në një kohë kur bota po vuan nga një sërë virusesh.
Fitorja në gjykatë, në fakt, nuk është përfundimtare. Përmes avokatëve të saj, Qeveria kishte konfirmuar se donte t’i hiqte vizën numrit një të botës së tenisit. Dokumenti i paraqitur ka bërë të qartë se pas vendimit të Gjykatës, ai ka të drejtë të ndalojë lojtarin dhe për pasojë ta pengojë atë të stërvitet dhe të marrë pjesë në turne. Kjo është arsyeja pse lajmi për arrestimin e tij, bëri bujë, pavarësisht nga vendimi i gjyqtarit i cili i kishte rikthyer lirinë, pasaportën dhe mundësinë për të qarkulluar në vend.
BREAKING: There’s a big police presence at @DjokerNole‘s lawyer’s office. @BlakeJohnson has the developing story. https://t.co/5zYfOfohG3 #7NEWS pic.twitter.com/NFv4suxF5Z
— 7NEWS Melbourne (@7NewsMelbourne) January 10, 2022
Ministri i Emigracionit, Alex Hawke, ka fuqinë për ta dëbuar atë nëse ai ka prova të mjaftueshme për të besuar se personi përbën “një rrezik për shëndetin, sigurinë ose rendin publik të komunitetit australian”. Nëse kjo do të ndodhte, serbi nuk do të mund të hynte në Australi për tre vjet: ai do të ndalohej zyrtarisht si një “person i padëshiruar”, një status që do ta shkëpuste atë edhe nga edicionet e ardhshme të Slam.
Situata po përkeqësohet dhe asgjë nuk mund të përjashtohet ende, duke përfshirë mundësinë që numri një i botës së tenisit të detyrohet të largohet nga Australia.
“Ata duan të kapin dhe të mbyllin përsëri Novakun. Aktualisht jemi duke menduar për hapat e ardhshëm që duhet të ndërmarrim. Tani për tani ai është me avokatët e tij në dhomën ku ishin gjatë seancës dëgjimore, duke menduar për disa opsione “, janë fjalët e vëllait të tij të raportuar nga mediat serbe.
