Blogerja e njohur Armina Mevlani duket se është shumë e fiksuar pas stilit të viteve 40’-60’ përsa i përket veshjes së saj. Në çdo postim në rrjetet sociale dallohet qartë stili i saj i veçantë.
Dje, ajo ka qenë në festën e ditëlindjes së njërës prej shoqeve të saja të ngushta, ku kodi i veshjes ishte “vintage”, dhe natyrisht që Armina do të na befasonte. Bëhej fjalë për stilin e saj të preferuar dhe nuk kishte se si të ndodhte ndryshe.
Blogerja e njohur veshi një fustan të zi, me taka po në të njëjtën ngjyrë dhe me një kordon me lule në kokë që i përshtatej këtij stili.
“Kthim në vitet ’40. Do të doja të kisha lindur në atë kohë”, ka shkruar ajo në një postimet e saj në “Instastory”.
Gjithashtu Armina ka publikuar edhe një video ku shfaqet duke pozuar para pasqyrës dhe iu kërkon ndjekësve që ta thërrasin Daisy, pasi pamja e saj ngjason me personazhin kryesor të filmit “The Great Gatsby”, Daisy-n.
