A ju kujtohet ariu Luna nga Kopshti jonë Zoologjik?
“Luna u detyrua të kalonte vite të mjerueshme në robëri në Shqipëri” dhe shpëtimtar i saj u bë organizata botërore “Four Paws”.
Burime pranë “Iconstyle”, thanë se këta të fundit vetëm dy ditë më parë erdhën për të shpëtuar ariun, duke e dërguar në një vend më të sigurt, pikërisht në Gjermani.
Luna ka mbërritur në shtëpinë e kafshëve “Bärenwald Müritz”, ku jetojnë mbi 16 arinj të murrmë.
Lidhur me këtë lajm ende nuk është bërë asnjë njoftim, ndërsa organizata ka hapur një peticion për të nënshkruar në mënyrë që të shpëtohen arinjtë e pikëlluar të Shqipërisë dhe Evropës. (Për të nënshkruar kliko këtu)
“Nuk kemi kohë për të humbur – ne duam ta ndalojmë këtë padrejtësi këtë vit, dhe ne kemi nevojë për sa më shumë zëra që është e mundur”, shkruhet ndër të tjera te faqja.
Luna u transportua përmes një mjeti të sigurt dhe u mbajt në vëzhgim gjatë gjithë udhëtimit.
Por kjo nuk është hera e parë që kushtet mizore në të cilat trajtohen kafshët në Shqipëri.
Një vit më parë “Daily Mail” solli rastin e ariut të dëshpëruar Tomi, i cili ishte regjistruar duke kafshuar veten.
Burimi: Iconstyle.al
