Ariana Grande së fundmi ka nisur turin e saj të koncerteve dhe kjo periudhë ka qenë shumë e ngarkuar për të.
Mbrëmjen e kaluar ajo është ngjitur në skenë për të mbajtur një nga koncertet e radhës dhe këngëtarja është parë në gjendje të rënduar emocionale.
Grande nuk ka mundur t’i mbajë lotët dhe ka ndaluar performancën live për disa minuta. Ajo u ul për të qarë në mes të fansave të saj duke ju treguar edhe për gjendjen e saj emocionale.
Ariana ka treguar se momentalisht e ka të vështirë të balancojë jetën e saj private me atë personale dhe kjo gjë ja ka vështirësuar situatën. Ajo u shpreh se ndihet nën presion, pasi kohët e fundit në jetën e saj personale ka pasur shumë ndodhi të pakëndshme.
“Po i ndaj këto detaje me ju sepse jam mirënjohëse për mbështetjen tuaj dhe dua ta dini se nuk jeni vetëm. Përpiquni të bëheni të fortë sado keq të ndiheni”, mësohet të jetë shprehur këngëtarja.
https://www.youtube.com/watch?time_continue=1&v=yX5E3WBrd4U
Gjendja e këngëtares është përkeqësuar që pas vdekjes së ish të dashurit të saj Mac Miller. Pak kohë pas kësaj ngjarje të trishtë, Ariana i dha edhe fund lidhjes së saj me Pete Davisdon.
