Ariana Grande është nominuar për një çmim Oscar për aktoren më të mirë në rol dytësor për interpretimin e saj në filmin Wicked, i cili është në garë për 10 çmime. Disa orë pasi u shpallën nominimet, këngëtarja shkroi në rrjetet sociale për të shprehur mirënjohjen e saj për Akademinë e Arteve dhe Shkencave të Filmit.
Në veçanti, Grande ka postuar në llogarinë personale në Instagram një foto nga fëmijëria e saj, si dhe momente nga filmi “Wicked”. Madje, në njërën prej tyre ajo pozon me yllin Cynthia Erivo, e cila është gjithashtu e nominuar për Oscar.
Në tekstin e publikimit të saj, këngëtarja e njohur ka shprehur mirënjohjen për nominimin e saj, ndërsa ka falënderuar edhe regjisorin e filmit, John M. Chu, i cili e përfshiu atë në kast. Ajo gjithashtu u kthye pas në kohë dhe kujtoi se kishte parë Judy Garland duke kënduar si fëmijë në “The Wizard of Oz”, mbi të cilin u bazua “Wicked”.
Shikoni postimin e saj:
‘Duke ngritur kokën mes të qarash, dua të them një falenderim të madh për Akademinë për këtë njohje të jashtëzakonshme. Nuk mund të ndalem së qari, siç pritej. Ndihem thellësisht e nderuar të ndaj këtë moment me Arin e vogël, e cila u ul duke studiuar Judy Garland duke kënduar “Diku mbi Ylberin”, pak para se të hynte në flluskën e madhe dhe të bukur. Jam shumë krenare për ty, vogëlushe”.
Faleminderit John M. Çu për marrjen e këtij rreziku me mua dhe për të qenë regjisori, personi dhe shoku më i përkushtuar më i shkëlqyer. Jam shumë krenare për familjen e bukur Wicked. Jam shumë krenare për Elphie, motrën time, dashurinë time Cynthia Erivo. Shkëlqimi juaj nuk ka fund dhe ju meritoni çdo lule (tulipan) në çdo kopsht. Të dua pa kushte, gjithmonë. Nuk i kam gjetur ende të gjitha fjalët, ende po mundohem të marr frymë. Por faleminderit. Zot, faleminderit. Universal, Marc, familja ime, zemra ime.”
View this post on Instagram
