Argjira Spanca dhe Beniada Nishani janë kolege prej më shumë se 1 viti. Tashmë ato janë bërë mikesha po ajo që i lidh është edhe Einxhel Shkira, pasi kjo e fundit ishte në “Big Brother” së bashku me Beniadën dhe është shoqja e ngushtë e Argjirës.
Por pas përfundimit të eksperiencës në reality-show, Beniada dhe Einxhel nuk kishin raporte të mira. Kjo vuri dhe në dyshim Argjirën nëse duhet të moderonte me dikë që s’ka raporte të mira me shoqen e saj të ngushtë.
Sot në “E Diell”, Argjira tregoi se u gjet mes një zgjedhje, por që ia doli e tani thotë se keqkuptimet janë lënë pas mes vajzave.
“Kam qenë skeptike. Unë nuk e njihja, e kisha parë në Big. U tregova pozitive dhe thashë po, por nga dalja e Benit dhe me Einxhel pati një lloj hatërmbetje. U gjeta mes shoqes time të ngushtë dhe koleges time të punës. Ia kemi dalë, të treja bashkë dhe çdo gjë e kemi lënë pas. Tani me Benin kemi një shoqëri të mirë”
