Moderatori i emisionit “E diela shqiptare” ka rrëfyer për herë të parë për momentin kur i është dashur të jepte lajmet, shumë vite më parë.
Në atë kohë ai ishte drejtor në Tv Arbëria, dhe u njoftua në mëngjes se spikerit të lajmeve i kishte ndodhur një fatkeqësi, ndaj e kishte të pamundur të paraqitej në punë.
Me këtë rast, tregon Arditi, meqenëse lajmet duhet të jepeshin patjetër, ai kishte nxituar për t’i dhënë vetë. Por pasi kishte provuar, rezultoi se ishte dështim:
“Isha një dështim i turpshëm i atij momenti dhe lajmet atë ditë nuk u dhanë”, kujton Gjebrea me të qeshur.
Kështu Arditi nuk ia dha vetes më kurrë një mundësi të dytë për të dhënë lajme dhe mirë ka bërë. Ai është aty ku duhet, në spektakël.
