Ditën e sotme ka mbërritur një zarf i zi në shtëpinë e “Big Brother Vip” dedikuar Arditit.
Konkurrenti ka rezultuar se ka fikur me qëllim mikrofonin e tij, ndërkohë që nuk kanë qenë të pakta rastet kur ka akuzuar produksionin për mungesë transparence.
Në zarf shkruhet se ky është paralajmërimi i fundit për të dhe në rast se sjellja e tij nuk do të ndryshojë do të merren masa nga produksioni deri në eleminimin e përhershëm të tij.
Gjithashtu edhe të tjerë banorë të këtij reality show që kanë thyer rregullin kryesor, atë të transparencës me publikun, do të ndëshkohen nga “Big Brother”.
Personazhet VIP kanë fikur herë pas here mikrofonin apo i kanë pëshpëritur njëri-tjetrit për të mos i dëgjuar askush, mirëpo ky veprim do të dënohet.
Para pak ditësh në shtëpinë e Big Brother ka ardhur një zarf, të cilin e ka lexuar Sheila.
“Banorë, në fillim të programit jeni paralajmëruar se nëse do të vazhdoni të thyeni rregullat, do të penalizoheni. Disa prej jush kanë fikur me qëllim mikrofonin dhe kanë folur duke pëshpëritur, duke thyer kështu rregullin numër një të Big Brother, që është transparenca me publikun. Prandaj, vëllai i madh ka vendosur që ditën e martë t’ju penalizojë të gjithëve. Bëni gati valixhet të gjithë.”- është shkruar në zarf.
