Për 18 vjet, që prej fillesave të festivalit “Kënga Magjike”, pranë Ardit Gjebreas ka qëndruar një femër si bashkëprezantuese, qoftë kjo miss si Almeda Abazi, apo një vajzë e gjetur rastësisht.
Por ky vit vjen ndryshe pasi në krah të Arditit do të qëndrojë jo një femër, por dy meshkuj shumë të njohur në botën e spektaklit. Bëhet fjalë për Bes Kallakun dhe Erion Isain, të cilët pas largimit nga “Portokallia”, janë angazhuar në televizionin konkurrent, Klan.
Moderatori i njohur Ardit Gjebrea ka prezantuar spektaklin edhe me dy moderatorët e INtv, Rudi dhe Mateo, por këtë herë është ndryshe, pasi dy aktorët e njohur vijnë nga televizioni konkurrent, Top Channel.
‘Nuk mbahet dot e qeshura me @bes_kallaku dhe @erion_isai #kanjemesazhperty – shihemi së bashku në netët Finale të #kengamagjike19 në datat 6, 7 & 9 Dhjetor!’-ka shkruar Gjebrea krah fotos së postuar në “Instagramin” e tij. Të njëjtin fakt e ka konfismuar dhe Besi .
“Këtë vit së bashku me Erion Isai do të jemi bashkëprezantues të Kënga Magjike, do kemi edhe Ardit Gjebrean se s’kishim si të bënim ndryshe”, ka shkruar Besi për fansat e tij të “Instagramit”.
