Arbër Hajdari , bamirësi, tashmë dhe opinionisti i “Big Brother VIP” sot mungon në live show.
Arbrin ka ardhur ta zvëndësojë skenaristja Dalina Buzi.
Ai ka komunikuar me Arbanën dhe i është përgjigjur në një story ku ajo ka treguar skaletën e sotme.
“Suksese o e palodhshme”,- i ka shkruar Arbri.
Arbana ka postuar mesazhin e tij duke shkruar: “Always good vibes” (Gjithmonë energji pozitive)
Para disa ditësh disa nga banorët intervistuan Arbrin live.
Një ndër pyetjet për Arbër Hajdarin lidhej me jetën e tij sentimentale. Së fundmi, Arbri është fejuar dhe ka zbuluar se po mendon si do e bëjë propozimin për martesë.
I pyetur nëse ka qenë e vështirë që të jetë opinionist i Big Brother VIP, u shpreh:
“Nuk ka gjë më të vështirë. Aty krijohen ngjarje nga më të ndryshmet. Nuk dua të rëndoj askënd pa u bindur mirë dhe pa pasur argumentet dhe faktet për atë që them. Në atë kohë që kemi në dispozicion kur ngjarjet rrjedhin shpejt, mundohem që gjithmonë ta vë veten në vendin tuaj për të parë se si po i shikoni ju botën në këto momente.”,- u shpreh Arbri.
Arbri gjithashtu ka treguar se e preferuara e tij eshte Beniada Nishani.
