Gazi dhe Juli janë dy banorë që kanë pasur një marrëdhënie mjaft të mirë me njëri-tjetrin. Por mesa duket ata janë kthyer në kundërshtarë këto ditë, pasi kanë patur debate të forta. Por opinionisti Arbër Hajdari nuk beson se zënkat e tyre janë të vërteta dhe e gjitha është një skenar mes dy banorëve.
Sipas tij, nëse Gazi sot i shpëton nominimit, dy banorët do pajtohen brenda 3 ditësh. Ai madje e krahason strategjinë e dy banorëve me atë që ka pasur vjet Maestro dhe Luizi.
Ai madje vuri edhe bast me Ledionin duke thënë:
“Nuk e besoj këtë prishjen mes tyre. Juli e sheh veten të fortë. Gazi bëhet keq nga nominimi, kështu Juli e sheh këtë debat si një mënyrë për ta faktorizuar. Nuk e marr dot seriozisht kur ngacmon Gazin. Nëse Gazi nuk del sot, atëherë ata do pajtohen brenda 3 ditësh.”
