Gati 1 muaj më parë, Arbenita dhe Fero morën dhuratën më të bukur të jetës. Çifti u bekuan me një vajzë, të cilën e pagëzuan me emrin Nina. Shtatzënia fatmirësisht shkoi mirë për Arbenitën dhe madje pas lindjes ajo ka arritur forma perfekte fizike në një kohë të shkurtër.
Ditën e sotme modelja ka ndarë në Instagram një foto të saj, të cilën e ka shkrepur 2 javë pas lindjes së vajzës. Arbenita duket në foto me bel shumë të hollë dhe të njëjtat linja fizike si më parë kur nuk ishte në pritje të ëmbël. Duke qenë modele profesioniste me siguri Arbenita do të ketë ditur shumë mirë se si mund t’i kthejë sërish format trupore dhe prandaj ja ka dalë mbanë kaq shpejt.
Kujtojmë se kjo kohë nuk ka qenë dhe shumë e lehtë për Arbenitën, pasi ka përjetuar ngjarje shumë të forta brenda një periudhe të shkurtër. Në të njëjtën ditë që u bë nënë për herë të parë, ajo humbi dhe të atin, i cili ishte infektuar me Covid-19. Fatkeqësishht i ndjeri nuk e fitoi betejën dhe Arbenita humbi njeriun më të shtrenjtë.
Pas lindjes asaj ju desh të merrte veten dhe më pas të shkruante pak fjalë të ndjera për të atin.
“Pusho në paqe babi im. Të bekoftë Zoti me një vend në parajsë! Do të jesh gjithmonë në mendjen time. Ju lutem të gjithëve, gjithmonë i tregoni të dashurve tuaj sa i doni dhe përqafojini, nuk do ta dini kurrë se kur do të shkojnë…”, shkroi modelja në një postim.
