Në studion muzikore të producentit të njohur, Jetmir Agaj ka ndodhur një debat mes tij dhe reperit Fero.
E gjitha ka nisur pasi Fero ka kërkuar që ai të punojë për një projekt të ri muzikor, ndërsa Agaj e ka refuzuar duke i thënë se për momentin ka punë të tjera.
Kjo gjë mesa duket e ka acaruar reperin, i cili më pas ka shkuar në studio së bashku me truprojën e tij dhe ka nisur që ta kërcënojë me armë duke e drejtuar fillimisht drejt Jetmirit dhe më pas edhe ndaj menaxherit të reperit Bardhi, Emeriton Mataj.
Këtë situatë të agravuar mes tyre, e ka konfirmuar dhe vetë Jetmir Agaj në një pronconim për “Telegrafi”, ku ka thënë se edhe ndodhet në emergjencë duke bërë kontrolle për lëndimet e marra.
Arbenita ka reaguar duke mbështetur Feron publikisht përballë kësaj situate.
“Njerëzit gjithmonë do flasin budallallëqe. Media është e shtirur. Sa keq që kemi lindur në një shoqëri që nuk na meriton. Të urrejnë se je real dhe me zemër të madhe. Unë të njoh ty dhe e di që do vrisnin për të rë parë të rrëzohesh. Një mbretëreshë do e mbrojë gjithmonë mbretin e saj. Ata bëjnë plane, por Zoti është planifikuesi më i mirë. Shihemi së shpejti zemër le ti vrasim ata që na urrejnë me sukses.
Ndërkohë rastin e ka konfirmuar për “Telegrafi” edhe zëdhënësi i policisë për rajonin e Prishtinës, Agron Borovci.
“Informata është pranuar rreth orës 15:30, për një lëndim trupor të ndodhur në rrugën “Nebih Gashi” në Prishtinë. Nga të dhënat fillestare ëshëtëngritur dyshimi se dy të dyshuar, ku njëri nga ta dyshohet të ketë pasur dhe një armë, kanë sulmuar viktimën dhe më pas janë larguar nga vendi i ngjarjes. Ndërkohë që të dyshuarit janë identifikuar nga ana e policisë menjëherë ka nisur një hetim preliminar lidhur me rrethanat që kanë karakterizuar ngjarjen. Së këndejmi rreth orës 20:30, të dyshuarit janë paraqitur në stacionin policor dhe policia po vijon me ndërmarrjen e veprimeve të mëtejme në koordinim me prokurorin e shtetit për të proceduar tutje”, ka thënë Borovci.
