19 tetori ishte një ditë e bekuar për Arbana Osmanin dhe Eduart Grishajn, sepse ata u njohën me të voglin e tyre, Diell. Moderatorja e njohur solli në jetë djalin e saj të dytë dhe sigurisht që nuk kishte ditë më të bukur se ajo për të dhe regjisorin.
Lajmin e bukur e dha vetë Eduarti duke pozuar me të voglin në krahë, ndërsa Arbana publikoi një foto të duarve të të katërve si familje e falenderoi të gjithë për urimet.
Këtë javë ata kanë qenë në qendër të vëmendjes, teksa ditën e diel Arbana postoi edhe fotot e para pas shtatzënisë në Instagram. Ajo u shfaq me një fustan në zi e trëndafil në dorë, teksa vëmendjen e morën linjat e saj.
Tashmë ajo ka nisur edhe shëtitjet me Diellin, duke dalë nga liqeni i Tiranës, prej nga ku ka ndarë edhe një super foto pak minuta më parë.
Arbana shihet me karrocën e bebit, ku ndodhej Dielli, teksa na fali edhe foton më të bukur të ditës dhe siç mund ta imagjinoni pas saj fshihet Eduarti.
Përfitimet e të paturit një artist në familje. Bën foto të bukura lehtësisht!
Pas lindjes së Diellit, Eduarti ka treguar se është një baba i përkushtuar, duke mos u ndarë fare nga i vogli.
Pak ditë më parë ai surprizoi Arbanën, duke i dhuruar moderatores një varëse me emrat e dy djemve të saj, të cilën Arbana e ka dashuruar.
