Balina Bodinaku ka folur ditën e sotme për deklaratën e Arbana Osmanit në ‘Post Big Brother Vip’ e cila tha se në edicionin e shkuar ka pasur edhe opinionistë që kanë qenë fansa të banorëve, duke iu referuar komenteve të saj ndaj Donaldit. E ftuar në emisionin “N’kafe”, Balina u shpreh e habitur për këtë përcaktim duke kujtuar vetë deklaratat e Arbanës e cila është shprehur më herët se opinionistët kanë mendimin e tyre.
“Çdo me thënë të jesh fanse kur në studio gjithmonë thuhej që opinionistët kanë një mendim të tyre dhe nuk janë gjyqtar”
Më pas u pyet nëse Arbana e ka ftuar apo jo në dasmë. Balina u shpreh se nuk priste një ftesë.
“Jo dhe nuk e prisja një ftesë sepse nuk kemi pasur atë marrëdhënie aq të ngushtë, por i uroj më të mirat. Uroj që dasma të shkojë ashtu si ajo e ka ëndërruar”
Kujtojmë se Arbana ka thënë për Balinën se:“Vitin e kaluar kemi patur opinioniste që janë bërë fansa”.
Kjo deklaratë krijoi përçarje mes tyre!
