Mund të jetë trupvogël ose e imët, por një gjë është e sigurt: Lori Hoxha gjithnjë ka pasur një trup LLAHTAR dhe për këtë mjafton t’ju risjellim në kujtesë fotot e saj bombastike me rroba banje.
Pooor, duket se fashionista e njohur së fundmi mund të ketë shtuar disa kile e të jetë bërë më e kolme, kjo falë një fenomeni që as ajo vetë nuk e njihte. Të paktën kështu ka lënë të kuptohet ajo vetë në postimin e fundit në Insta Story ku shkruan: “Më shkruani gjithë këto budallallëqe përditë dhe askush nuk më tha për ‘Heathrow Injection’?”
Me siguri dhe ju keni hapur sytë dhe nuk e keni idenë se për çfarë e ka fjalën, si puna jonë pak minuta më parë… Por le t’i hedhim një sy fenomenit që në shqip do të quhej “injeksioni Heathrow”. Ky togfjalësh mesa duket i referohet një shtimi të papritur në peshë për personat jobritanikë që qëndrojnë në Londër për një kohë të gjatë (Heathrow- aeroporti kryesor i Londrës).
Sipas “legjendës”, për shkak të ritmit të shpejt të jetës londineze, kushdo që vjen nga jashtë dhe është i pamësuar me një mënyrë të tillë jetese, automatikisht pritet të shtojë në peshë duke ngrënë ku të mundë.
Kjo duket të vlejë edhe për Lori Hoxhën e cila prej disa muajsh është zhvendosur në kryeqytetin anglez ku u është rikthyer studimeve.
Pra, nëse Lori tashmë është rrumbullakosur disi, duam prova vizuale sa më shpejt! Kështu mund të fillojmë të ndihemi më mirë për atë tavën e bakllavasë që kollufitëm pak javë më parë…
