Angelina Jolie është fotografuar për herë të parë që pas divorcit me Brad Pitt.
Aktorja, 41-vjeçare, është parë me gjashtë fëmijët e saj, Maddox, 15 vjeç, Pax, 12 vjeç, Zahara, 11 vjeç, Shiloh, 10 dhe binjakët 8-vjeçarë, Vivienne dhe Knox, në Los Anxhelos të dielën, ku ata thuhet se kanë parë një pronë që jepej me qira.
Duke ngjitur shkallët zbathur, 41-vjeçarja ndiqej nga fëmijët, e veshur thjesht me një triko dhe me syze.
Një burim tha për ET se, familja kishte vizituar plazhin para se të shkonin së bashku për të parë pronën, ku kaluan më shumë se një orë kohë.
“Fëmijët silleshin përreth dhe dukeshin të lumtur”, tha një burim i brendshëm. Ata i shoqëronte edhe vëllai i Angelina-s, James Haven, 43 vjeç.
Sipas Us Weekly, ish-aktori, i cili u fotografua duke puthur në buzë motrën e tij Jolie në vitin 2000, tani ka “një rol aktiv të përditshëm” në rritjen e fëmijëve.
“Ai filloi të ketë një rol më aktiv në qershor. Fëmijët të gjithë e quajnë daja James”.
Burimi: Daily Mail
