Kërkesa e Angelina Jolie për t’u divorcuar nga Brad Pitt shokoi të gjithë botën një vit më parë. Pavarësisht se ishte aktorja që bëri kërkesën, ajo nuk u firmos nga asnjëri.
Ndërsa në fillim të gushtit u përfol se divorci ishte anuluar dhe çifti do të kthehej sërish bashkë.
Sot që ka kaluar një vit qëkur dyshja më e dashur në “Hollywood” u ndanë, Angelina ka dhënë sërish një fije shprese se ata mund të ribashkohen.
Në një intervistë për gazetën “Oggi”, ajo është pyetur për një mundësi ribashkimi. “Mund të ekzistojë një mundësi e tillë, në qoftë se shoh që gjërat po ecin në vijën e duhur dhe sigurisht nëse nga të gjithë kjo është vënë mend”, është shprehur kështu Angelina, duke ju referuar Brad.
Pra nëse Brad ka zënë mend Jolie mund të ribashkohet me të.
Duke folur për fëmijët aktorja tha: “Shpesh u them fëmijëve të mi: mos mbani inate, mos lëndoni askënd, mos urreni. Por e vërteta është se ekziston e drejta dhe e gabuara, sjellja kriminale dhe mizoria, të cilat duhet t’i kundërshtojmë”.
Burimi: Oggi
