Një dokumentar, që po realizohet për divorcin mes Brad Pitt dhe Angelina Jolie, duket se zbulon një tjetër të fshehtë për çiftin.
Në dokumentarin e prodhuar nga regjisori Ian Halperin, pretendohet se do të tregohen të vërteta dhe sekretet e fshehura të jetës dhe marrëdhëniet e çiftit Brangelina. Dhe, në veçanti, duket se fantazma e Jennifer Aniston ka qenë përherë e pranishme në jetën sentimentale të Brad dhe Angelina-s.
Siç e dimë të gjithë, të dy aktorët u takuan në xhirimet e filmit “Mr & Mrs Smith” në vitin 2005, ku ranë në dashuri. Brad Pitt, i martuar asokohe me Jennifer Aniston, la gruan e tij për të filluar një marrëdhënie të qëndrueshme 12-vjeçare me Angelina Jolie.
Megjithatë sipas Ian Halperin, marrëdhënia e Brad me Jennifer ishte në krizë prej të paktën një viti para se aktori të njihte Angelina-n.
Sipas regjisorit, në bazë të informatave të mbledhura prej tij, Angelina Jolie ka qenë gjithmonë e frikësuar nga mundësia se Brad mund të pajtohej me ish-gruan e tij. Aq sa e kishte detyruar burrin e saj të mos ketë kontakte të asnjë lloj tipi me Jen.
“Unë mendoj se Angie gjithmonë ka pasur frikë se Brad dhe Jen mbanin kontakte fshehurazi dhe se mund të pajtohen”, tregoi Halperin për revistën “Star”.
Regjisori pretendoi se Angelina ka qenë gjithmonë “shumë xheloze dhe e pasigurtë”.
“Angie, thellë brenda saj, ka patur gjithmonë frikë se Brad do të kthehet me Jen”, tha Ian Halperin.
Tani që Angelina Jolie dhe Brad Pitt janë ndarë, u konfirmua lajmi se aktori dhe Jennifer Aniston kanë vendosur sërish kontakte me njeri-tjetrin, edhe pse aktorja është lumturisht e martuar me Justin Theroux.
Burimi: DireDonna
