Angelina Jolie mund të jetë më e famshme për klasin e amësisë sesa për aktrimin në këtë pikë të jetës. Aktorja dhe aktivistja është nëna e gjashtë fëmijëve, Maddox, 15 vjeç, Pax, 13 vjeç, Zahara, 12 vjeç, Shiloh, 10 vjeç dhe binjakëve 8-vjeçarë Vivienne dhe Knox.
Në një intervistë së fundmi për “Elle France”, Jolie foli hapur për nënën e saj të ndjerë, Marcheline Bertrand, e cila ndërroi jetë nga kanceri në 2007-n (në moshën 56-vjeçare), lidhur me ndikimin e saj në stilin e rritjes së fëmijëve dhe si do të ishte ajo si gjyshe.
“Ajo do të kishte rilindur nëse do e kishte provuar të ishte gjyshe”, ka thënë Jolie, duke menduar marrëdhënien e nënës së saj me 6 fëmijët.
“E di shumë mirë sesa shumë do kishte ndikuar ajo në jetën e tyre dhe jam shumë e trishtuar që atyre iu mungon kjo ndjesi”.
Viti i kaluar ka qenë shumë i tensionuar për aktoren, e cila bëri kërkesën për t’u divorcuar nga Pitt në shtator të vitit 2016-s.
“Do jepja gjithçka që ajo të ishte me mua në këtë periudhë të jetës sime. Kam patur shumë nevojë për të. Flas me të shpesh herë në mendjen time, duke menduar se çfarë do më kishte këshilluar në situata të ndryshme”, shprehet Jolie.
Burimi: Elle
