Angelina Jolie do të marrë çmimin TIFF Tribute Award në Festivalin e Filmit në Toronto, i cili do të zhvillohet nga 5 deri më 15 shtator.
Krijuar nga Anne-Marie Canning, çmimi njeh individët që ndërthurin ndikimin social me artin e kinemasë. Marrësit e mëparshëm të këtij çmimi përfshijnë Pedro Almodovar dhe Mira Nair dhe Alanis Obomsawin.
“Angelina Jolie është një talent me shumë aspekte që jo vetëm argëton audiencën, por përdor ndikimin e saj për të çuar përpara çështje të rëndësishme sociale”, tha CEO i TIFF, Cameron Bailey. “Ne jemi të nderuar t’i dhurojmë asaj këtë çmim, duke vlerësuar kontributin e saj në kinema dhe përkushtimin e saj ndaj ndryshimeve shoqërore.”Jolie rikthehet në festivalin prestigjioz pas suksesit të filmave të saj të vitit 2017 First They Killed My Father, të cilin ajo e shkroi dhe drejtoi, dhe The Breadwinner, të cilin ajo e prodhoi.
Filmi i saj i ri “Without Blood” do të ketë premierën botërore në të njëjtën ditë kur ajo merr çmimin.
