Angela Martini është tërhequr së fundmi nga rrjetet sociale dhe arsyen na e tregoi pak kohë më parë, pasi shkroi se “dëmtojnë seriozisht shëndetin mendor”.
Nëse më parë modelja shqiptare ndante çdo detaj nga jeta e saj private, së fundmi ajo është treguar më e rezervuar.
Dhe këtë mund ta kuptojmë nga fakti se, festën për ditëlindjen e bashkëshortit të 12 tetorit e publikoi vetëm mbrëmjen e 1 nëntorit.
Angela ndau me ndjekësit disa foto brenda festës surprizë të organizuar prej saj, ku duket se ka mbledhur miqtë dhe të afërmit e partnerit të saj, Dragos Savulescu.
“Postim i vonuar për festën surprizë të ditëlindjes së dashurisë sime. 12 tetor”, shkruhet në mbishkrimin e postimit.
Modelja shqiptare ka menduar për të gjitha detajet, nga tullumbacet përmes të cilave shkruhet “Gëzuar Ditëlindjen”, te torta me 4 kate e mbuluar nga fotot kujtime të Dragos, që kur ishte foshnjë, apo ushqimet.
Për të ndezur atmosferën ishte zgjedhur që të performonte këngëtarja e njohur rumune Delia, ndërsa mes të ftuarve spikaste edhe profesionisti nr.1 i tenisit në Rumani, Ilie Nastase.
Por ajo që tërhoqi më shumë vëmendjen ishte paraqitja seksi e Angela Martinit. Modelja shqiptare kishte zgjedhur një fustan të bardhë, me dekolte të hapur dhe të çarën që vinte deri rrëzë kofshës.
Në fund të fundit, ajo që di të bëjë shumë mirë Angela është të jetë seksi.
Burimi: Instagram
