Angela Martini është shumë e vetëdijshme se rrjetet sociale dëmtojnë shumë shëndetin mendor. Por modelja shqiptare nuk reziston dot dhe ka zgjedhur të “mëkatojë”. Angela publikoi ditën e sotme, një foto ku pozon përpara një pasqyre, e veshur me një fustan të shkurtër të zi dhe çizme të gjata. Ajo qëndron shumë serioze, teksa njërën nga këmbët e ka vendosur mbi lavaman, ndësa njërën nga duart e ka vendosur në mes.
“Mediat sociale të dëmtojnë shëndetin mendor” – shkruan krahas fotos Angela.
Dhe mikesha e saj Bleona, e cila ishte edhe dëshmitarja e vetme në dasmën me miliarderin rus, bie dakort me të, por mendon se do të ishte mëkat nëse nuk do e kishte publikuar këtë foto.
“Po, është e vërtetë. Por do të ishte një mëkat nëse nuk do e kishe publikuar këtë foto. Je kaq e bukur!” – shkruan Bleona.
