Andrew Tate dhe vëllai i tij, Tristan do të lirohen nga qelia e paraburgimit.
Ndaj tyre ka ndryshuar masa e sigurisë, e cila do konvertohet në “arrest shtëpie”. Vendimi i Gjykatës së Apelit në Bukuresht zëvendësoi paraburgimin, e cila do të përfundonte më 29 prill.
Po ashtu, lirohen edhe dy bashkëpunëtoret, Georgiana Naghel dhe Luana Radu. Të katërt janë urdhëruar të qëndrojnë në pallatet ku jetojnë. Vëllezërit janë arrestuar që nga dhjetori dhe po hetohen me akuza për përdhunim, trafikim njerëzish dhe formim të një grupi krimi të organizuar.
Vëllezërit Tate u arrestuan në vilën e tyre në Bukuresht të Rumanisë. Dyshja u zbuluan pasi mes vajzave që kishin marr peng dhe mbanin 24 orë të vëzhguara në vilë, ishte dhe një amerikane. E reja arriti të kontaktonte me të dashurin e saj përmes një celulari që gjeti në shtëpi dhe ishte ai personi që dha alarmin në ambasadën amerikane. Ambasada vuri në lëvizje institucionet që bastisën vilën e vëllezërve Tate dhe i vunë të dy në pranga. Andrew Tate fillimisht fitoi famë pas një paraqitjeje jetëshkurtër në Big Brother. Ai u hoq nga reality show pasi i dolën video duke rrahur një grua u shfaqën në internet. Që atëherë ai ka ngjallur neveri dhe zemërim me një valë përmbajtjesh të shtrembëruara në internet.
