Ish konkurrenti i Për’Puthen, Andi Shehi vijon të jetë në qendër të vëmendjes. Ai krijoi shumë zhurmë gjatë kohës kur ishte në Për’Puthen, kur doli çift me Tean.
Zhurma më e madhe u krijua në rrjet kur më pas u zbuluan lidhjet e Teas me Beartin dhe Andit me Melisën.
Mirëpo, së fundmi, Andi sërish ka marrë vëmendje! Ai ka ngritur dyshimet se mund të jetë pjesë e “Big Brother VIP”.
Andi ka thënë pas pyetjes së një ndjekësi se është gati të presë ftesa dhe më pas do t’i shqyrtojë.
“Jam i hapur për ftesa të kësaj natyre do t’i shqyrtoj dhe më pas të shikojmë se çfarë do të bëjmë.”- tha ai.
Nga ana tjetër, kujtojmë që Andi dhe Melisa janë ndarë me njëri tjetrin. Këtë gjë, Andi e konfirmoi edhe gjatë programit “E Diell”, kur edhe ishte i ftuar.
Më herët, ai postonte foto në ‘story’
“Lidhjet janë si xhami. Ndonjëherë është më mirë ta lësh të thyer, se sa të lëndosh veten duke u munduar ta rregullosh”, shkruante më herët Andi.
Nga ana tjetër, Melisa vijon me projektet e saj muzikore, por së fundmi ajo është fotografuar nën shoqërinë e këngëtarit Majk.
Burime nga ‘Boom News’ treguan me anë të një fotoje se dyshja janë parë nën shoqërinë e njëri-tjetrit në një prej hoteleve të Tiranës.
