Ana Lika para një jave ishte e ftuar në emisionin “Wake UP” nga ku pranoi se është e dashuruar me një person, por që nuk është artist.
“Jam e dashuruar nuk e mohoj dot, kjo duket në sytë e mi me lente që vezullojnë. Unë nuk thash që jam e lidhur, por nuk është artist. Është një person që unë vërtet e dashuroj shumë e kam patur gjithë jetën në krah, por që nuk është artist”, u shpreh Ana Lika në emision.
Me siguri të gjithë e kujtoni edhe momentin kur Ana i bëri një deklaratë dashurie live partnerit të saj, pas performancës në “Dance with Me”. Aktorja u shpreh se deri në atë moment nuk kishte dashur ta zbulonte të dashurin duke qenë se ai nuk ishte pjesë e ekranit, por nuk mundi t’i mbante fjalët pasi kënga që ajo kërceu ishte e preferuara e të dashurit të saj.
“Ai di shumë mirë të nxjerrë melodinë më të bukur të zemrës sime, di të pikturojë tablonë e jetës sime me ngjyrat më të bukura, ai për mua është artisti që ka bërë që çdo ditë e imja të jetë më e bukur”, u shpreh Ana pas performancës në “Dance with Me”.
Mirëpo dje e ftuar në “Pop Culture” aktorja tregoi se për momentin është single, duke u shprehur se nuk e ka problem të flasë për jetën e saj private.
“Aktualisht jam single, por nëse do kisha të dashur nuk do e kisha problem ta thoja. Ndryshe nga ato vajzat që nuk duan të prononcohet në lidhje me këtë duke ruajtur kështu privatësinë e tyre. Kjo mbase vjen për shkak të frikës apo edhe mentalitetit që ekziston në Shqipëri”, tha Ana duke i befasuar të gjithë me këtë deklaratë duke kujtuar që para një jave pranoi se ishte e dashuruar.
Ana gjithashtu deklaroi se fakti që është pa të dashur do të thotë se nuk e ngacmojnë, ndoshta nga fakti se djemtë kanë frikë nga fakti se flet shumë.
