Amos Zaharia dhe Dea Mishel janë parë si një çift i mundshëm brenda shtëpisë së “Big Brother Vip”. Së fundmi kemi të reja nga raporti i tyre.
Amos ka debatuar mbrëmjen e djeshme me Dean. Ai tha se është ndierë i ofenduar nga batutat e saj, duke i kërkuar që të sillet mirë me të, siç dhe ai sillet me Dean.
Amos i tha Deas se një herë që bëri batutë me të, ajo e mori për keq dhe që atëherë nuk ka bërë më asnjë shaka me të.
Sipas Amosit, Dea i ka thënë në mënyrë urdhëruese t’i mbyllë valixhen dhe kjo sipas tij, është ofendim pasi nuk e kërkoi me mirësjellje dhe e paralajmëruar që të mos e bëjë më, duke përmbyllur fjalinë me “kaq.”
Nga ana tjetër Dea u mundua ta sqarojë, por fillimisht u ndërpre nga Olta dhe më pas ishte Amosi ai që nuk i dha mundësinë.
Amos dhe Dea kanë shkëmbyer puthjen e parë në buzë, në kuadër të një loje. Teksa kanë qenë duke interpretuar pjesën e filmit që duhet të realizonin me njëri-tjetrin aktori dhe blogerja kanë shkëmbyer edhe puthjen.
Më herët blogerja në një bisedë i ka thënë Amos Zaharias, pretendentit për t’i fituar zemrën që të mos merret me të.
Ndër të tjera ajo ka shtuar se i pëlqen biseda me të, por kaq. Teksa po e thonte këtë Dea Mishel po qeshte, çfarë na bën të mendojmë që nuk e kishte seriozisht, thjesht “ka frikë” të përfshihet në një histori të tilllë brenda shtëpisë.
Pjesë nga biseda:
Dea: “Mos u merr kaq shumë me mua, ta kam thënë edhe atë natë që ishe i pirë.”
Amos: “A je e sigurt?”
Dea: “Të vlerësoj si njeri. I vlerësoj bisedat që bëjmë së bashku, janë pjesa më e këndëshme e qëndrimit këtu. Por mos u merr me mua.”
