Amarda Toska dhe Ajola Xoxa dikur kanë ndarë së bashku një eksperiencë të bukur si prezantuese të një prej emisioneve verore më të suksesshme. Ndërkohë që Amin jemi mësuar ta shikojmë në këtë rol, për Ajolën na duket disi çudi dhe të paktë janë ata që e kujtojnë këtë emision.
Mirëpo ka qenë Julka Gramo ajo që na e ka sjellë në kujtesë këtë moment duke postuar në Instastory një sekuencë nga kjo eksperiencë e bukur e dy vajzave.
Kjo video na tregon se Ami dhe Ajola kanë qenë dhe vazhdojnë të jenë dy ndër vajzat më të bukura të ekranit shqiptar.
Amarda Toska e cila momentalisht është me pushime në Greqi, së fundmi i është përkushtuar biznesit të saj dhe jetës familjare, sidomos pas ardhjes në jetë të vajzës së saj Sia.
Ndërsa Ajola Xoxa është duke shijuar shtatzëninë e saj dhe ndërkohë nuk ka lënë pas dore edhe angazhimet profesionale.
