“Unë nuk mund të jem më e vetmja që luftoj për familjen time,” u shpreh Amber Rose në një deklaratë të gjatë në InstaStory, duke akuzuar Alexander Edwards, të cilin ajo nuk e identifikoi me emër, për pabesi.
Amber Rose ndau me ndjekësit një story mbi lidhjen e saj të gjatë me Alexander Edwards dhe e akuzoi atë për tradhti ndaj saj me të paktën 12 gra. Dyshja janë prindër të një djali 22-muajsh të quajtur Slash Alexander Edwards.
“Jam lodhur duke u mashtruar dhe duke u turpëruar jashtë syrit të mediave,” kështu e nis modelja mesazhin e saj.
37- vjeçarja vazhdon të tregojë, “Të gjithë e dinit që ai ishte në një lidhje me një fëmijë dhe vendosët ta pranonit gjithsesi. Unë i pashë të gjitha mesazhet dhe DM-të. Të gjithë ishit të vetëdijshëm, por nuk më keni asnjë borxh të më jeni besnikë, kështuqë nuk ka rëndësi. ”
Edhe pse Amber nuk e zbuloi emrin e të dashurit të saj, nuk kaloi shumë kohë dhe fansat e saj bënë lidhjen se kujt i referohej ajo.
Përveç kësaj, Amber u shpreh se nuk do t’i zbulojë publikisht emrat e grave që ajo akuzoi se kishin një lidhje me Alexander “sepse nuk është punë e imja shkatërrimi i jetës së askujt, por të gjitha ju e dini se kush jeni”.
“Nuk mund të jem më e vetmja që luftoj për familjen time,” shtoi ajo. “Unë kam qenë kaq besnike dhe transparente, por nuk kam marrë të njëjtën energji në këmbim … Mungesa e besnikërisë dhe e respektit është qesharake dhe unë i jap fund.”
Siç e përshkroi aktorja, “Jam lodhur duke u abuzuar mendërisht dhe emocionalisht nga njerëzit që i dua. Kam vuajtur në heshtje për një kohë të gjatë dhe nuk mund të duroj më,” vazhdoi ajo. “Kjo është arsyeja pse kam qenë kaq e qetë. Nuk pranoj të lejoj që dikush të më dëmtojë më. Qoftë familje apo kushdo.”
Amber është gjithashtu nënë e një djalit tjetër 8- vjeçar Sebastian Taylor Thomaz, të cilin e ka me me ish partnerin e saj Wiz Khalifa.
Alexander ende nuk ka reaguar publikisht ndaj akuzave për tradhti të Amber.
