Aktorja e njohur, Amber Heard ka folur së fundmi lidhur me rolin e saj në “Aquaman 2”.
Aktorja 36-vjeçare pretendoi gjatë gjyqit me ish-bashkëshortin Johnny Depp, se Warner Bros nuk dëshiron që ta përfshijë më Heard në vazhdimin e “Aquaman and the Lost Kingdom”.
Heard shtoi gjatë gjyqit se ajo “po caktonte kohën për xhirimet e filmit”, kur asokohe ekipi ligjor i Depp nisi një fushatë kundër saj.
“Më dhanë një skenar dhe më pas më dhanë versione të reja të skenarit, ku kishin hequr skena që unë isha e pranishme”, tha ajo në sallën e gjyqit në Fairfax, Virxhinia. “Ata i fshinë disa skena.”
Aktorja Amber Heard luan përballë Jason Momoa-s si luftëtarja e ujit “Princesha Mera” në vazhdimin e “Aquaman” të vitit 2018. Që atëherë, ajo është shfaqur edhe te “Justice League”.
Një peticion i fansave të Johnny Depp që qarkullon në internet bën thirrje që Amber Heard të hiqet plotësisht nga filmi dhe tani ky peticion ka mbi 4.2 milionë nënshkrime.
“Bëni gjënë e duhur. Hiqni Amber Heard nga ‘Aquaman 2’”, shkroi fansja e Depp, Jeanne Larson.
Disa yje po mbështesin Heard, ku ndër ta janë Howard Stern dhe aktorja Ellen Barkin. Ndërsa Chris Rock, Jennifer Aniston dhe Joe Rogan janë në anën e Depp.
