Amal Clooney pati një moment zemërimi me skuadrën e stilistit të modës Tom Ford dhe vendosi në momentin e fundit të ndryshojë veshjen e saj për Met Gala.
Avokatja 40-vjeçare vendosi pak orë përpara ngjarjes vjetore të modës që të vishte veshjen e saj “rezervë” nga stilisti britanik Richard Quinn, sipas “PageSix”.
Ajo u shfaq në eventin e madh me një fustan strapless me bust argjendi, pantallona të gjera të errët dhe një bisht të gjatë me lule.
Page Six raportoi se pasi Amal u tha skuadrës së Ford që do të ndryshonte dizenjues ata u irrituan, por pastaj thanë që nuk ka problem që do të vishet nga dikush tjetër, mjaftonte që fustanin e tyre mos ta vishte fare nëse nuk e donte për Met Gala.
Njerëzit e Fordit shpresonin se nëse Amal nuk do ta vishte fustanin e kuq të qelqtë, t’ja jepnin dikujt tjetër në listë.
Ata u befasuan dhe u zemëruan kur Amal veshi fustanin e tyre në “after- party”.
Megjithatë ajo u duk një yll, e shoqëruar nga bashkëshorti i saj, aktori George Clooney.
