Almeda Abazi është në pritje të fëmijës së saj të dytë. Këtë herë bukuroshja shqiptare pritet të sjellë në jetë një vajzë, e cila mund të lindë nga momenti në moment. Këtë kohë ajo po e shfrytëzon për të pushuar dhe për të komunikuar me ndjekësit e saj në rrjete sociale.
Së fundmi Almeda ka zhvilluar një intervistë virtuale dhe ndjekësit kanë pasur kryesisht interes për jetën e saj personale. Gjatë kësaj interviste Almeda ka treguar se edhe vajza mund të vijë në jetë me një lindje natyrale, por për të nuk ka rëndësi shumë fakt.
“Lindja e parë ishte normale. Edhe kjo e dyta duket se do të jetë kështu, por nuk ka rëndësi”, është përgjigjur Almeda.
Ajo ka treguar se Efehan ka filluar të flasë disa fjalë në shqip, ndërsa vajzën shpreson që ta ushqejë me qumësht gjiri.
Ndër të tjera dikush nga ndjekësit e ka pyetur se cili është vesi i saj më i madh, që Tolgahan nuk ja duron dot.
“Perfeksioniste. Do të doja të mos isha ama në çdo gjë që bëj duhet patjetër të jetë perfekte. Gjë që të lodh”, është përgjigjur Abazi.
Ndërkohë para disa ditësh, Almeda zbuloi se ka bërë gati edhe dhomën e vajzës. Ajo publikoi foto e video, në të cilat shihej duke motuar krevatin e të voglës.
