Almeda Abazi shpërtheu ndaj produksionit të “Dancing With The Stars”, pasi jo vetëm që u detyrua të paguante shpenzimet ekstra në hotelin ku qëndroi për tre muaj, por edhe për faktin se bashkëshorti i saj Tolgahan Sayisman nuk mori mikpritjen e duhur.
“Sapo bëra check-out nga hoteli ku qëndrova për 3 muaj në Tiranë dhe për habinë timë pagova shpenzimet extra, pra ujin që kam pirë në minibar dhe laundry që kam larë rrobat, madje edhe hekurosjen e kostumit të Tolgës, i cili pa asnjë lloj interesi erdhi me shumë dëshirë dhe respektoi në maksimum stafin dhe produksionin e DWTSA duke lënë angazhimet e tij në Turqi”- shkruan Almeda Abazi në postimin e saj në “Instastory”.
Mirëpo i pyetur nga “Vizioni Pasdites” sesi e pritën në Shqipëri, aktori turk Tolgahan Sayisman është shprehur në përfundim të spektaklit DWTSA se shumë i lumtur për mikpritjen e ngrohtë.
“Nuk kam gjetur dot mundësinë që të vija, për shkak të ngarkesës në punë. Fatmirësisht, erdha në një ditë shumë të bukur. Më besoni që jam shumë i lumtur që ndodhem këtu dhe pas kësaj do të rikthehem sa më shpesh. Ndihem si në shtëpinë time, pasi njerëzit më pritën shumë ngrohtë. Këtu ndodhet edhe familja e Almedës, e cila tashmë është familja ime. Ndaj mund të them se këtu kam familjen time. Për këtë arsye, nuk jam ndjerë aspak si i huaj.” – u shpreh aktori turk Tolgahan Sayisman, menjëherë pas vallëzimit të dashurisë në skenën e DWTS.
Almeda Abazi foli edhe për planet për t’i shtuar familjes një tjetër pjesëtar. “Është kismet, nuk mund të bëjmë plan për këtë” – u shpreh ish-Miss Shqipëria.
