Tashmë jemi mësuar ta shohim Alketa Vejsiun teksa thuajse çdo javë udhëton në shtete të ndryshme të botës. Por gjatë kësaj kohe ajo vazhdon edhe drejtimin e spektaklit “Dance with me” çdo të hënë.
Mirëpo ndonëse duhej të ishte duke u përgatitur për shfaqjen e sotme, moderatorja duket se ka mbetur në Itali, pasi ka humbur avionin e kthimit. Ajo e ka treguar këtë përmes një fotoje të postuar në Instagram ku shkruan: “Kam humbur avionin dhe se di si i bëhet për sonte në darkë! Kush do ta prezantojë programin?”
https://www.instagram.com/p/BqFNo7FBYbz/
Të shumtë janë komentet që sugjerojnë emra të ndryshëm, por gjithashtu janë të shumtë edhe ata që mezi presin të shohin Alketën në prezantim. Megjithatë gjasat janë që spektakli të drejtohet nga ajo dhe gjithçka të jetë si zakonisht sepse emisioni është i regjistruar.
