Moderatorja e njohur shqiptare, Alketa Vejsiu, i ka bërë një kërkesë publike kantautorit dhe këngëtarit Flor Mumajesi, për t’i realizuar një këngë.
Pikënisja për këtë kërkesë ka qenë kënga e Arilenës, “Nëntor”, me të cilën ajo konkurron në festivalin “Kënga Magjike”. Duke mos i rezistuar dot kësaj kënge, Alketa Vejsiu ka komentuar poshtë videos së publikuar nga Flori, për t’i kërkuar atij një këngë si dikur. Kujtojmë se moderatorja e njohur e ka nisur karrierën e saj edhe në muzikë, shumë kohë më parë.
Flori dhe Alketa janë miq prej vitesh dhe kanë pasur disa bashkëpunime me njëri-tjetrin, ku përmendim duetin “Merrmë të fundit natë”, këngën “Po s’më puthe ti” të kënduar nga moderatorja etj.
