Alketa Vejsiu dhe Vera Grabocka janë një ndër dyshet më jetëgjatë në botën e televizionit. Ato numërojnë plot 18 vite bashkëpunim dhe këtë nuk ka harruar ta kujtojë Alketa me rastin e ditëlindjes së regjisores.
Moderatorja simpatike i ka kushtuar një urim emocionues regjisores Vera Grabocka me rastin e ditëlindjes së saj.
“Gëzuar ditëlindjen grua e mrekullueshme! Bibla e profesionit dhe televizionit. E kam lexuar dhe mësuar mirë! Faleminderit Prof!
Je një legjendë, një grua shumë e madhe, por je vërtetë një Piter Pan që nuk do të rritesh asnjëherë! Gëzuar 10 Vjetorin! E di që jam edhe një ndër studentet që ke dashur më shumë…Këtë privilegj po e gëzoj, 18 vite bashkë”, ka shkruar Alketa në urimin e saj.
