Alketa e quan “motër”! E njihni vajzën e Vera Grabockës dhe Timo Fllokos? (FOTO)

Për të gjithë ata që nuk e dinë, producentja e famshme shqiptare Vera Grabocka dhe bashkëshorti i saj, aktori i madh Timo Flloko, kanë një vajzë të vetme që quhet Linda.

Moderatorja Alketa Vejsiu ka publikuar disa fotografi gjatë një udhëtimi që po bën këto ditë jashtë Shqipërie. E shoqëruar nga Vera Grabocka dhe vajza e saj Linda, Alketa duket se po kalon mjaft bukur.

Ajo e quan Lindën, “motrën që do të doja të kisha” dhe shkruan se ajo është gjëja më e mirë që Vera dhe Timo mund të kishin bërë bashkë.

“Motra që do të doja të kisha dhe që në fakt e kam…… #LindaFlloko Më e mira e Verës dhe Timos”, shkruan Alketa teksa publikon foto me të.

Linda jeton prej vitesh në Shtetet e Bashkuara të Amerikës me bashkëshortin izraelit, Ilan Gorodezky dhe dy djemtë. Por në raste festash apo gëzime familjare, ajo është gjithmonë e pranishme pranë prindërve.

Ata u martuan në vitin 2011 në Kullën e Davidit, pikërisht në Jeruzalem në një ceremoni elegante me 100 të ftuar nga Shqipëria. Ceremonia është realizuar në gjuhën hebreje nga rabinë të ardhur nga Los Anxheles.

Muzika që ka shoqëruar dasmën ka qenë e kënduar live nga sopranoja e mirënjohur Inva Mula dhe Frederik Ndoci dhe është sjellë nga një DJ i mirinformuar për shijet e shqiptarëve. Mbrëmja ka mbaruar rreth orës 1 të mëngjesit dhe çifti është nisur drejt ishujve grekë, ku ka kaluar muajin e mjaltit.