Alicia Vikander u bë shumë shpejt një nga aktoret më të preferuara të “Hollywood”-it. Fituesja e çmimit “Oscar” u shfaq së fundmi në koverin e revistës “Porter” me një stil bohemian.
27-vjeçarja flet për marrëdhënien aktuale me aktorin Michael Fassbender.
Aktorja e takoi të dashurin e saj irlandez gjatë xhirimit të filmit “The Light Between Oceans” dhe përpara prezantimit të tij, ajo flet për marrëdhënien e saj.
“Ne kurrë nuk e kemi fshehur faktin se jemi një çift. Ai është jashtëzakonisht punëtor. Ai është tipi: “Më jep diçka të re! Kam vetëm nevojë për një ide të re. Kam nevojë ta bëj atë ndryshe”. Mendova se ishte e lezetshme. Sepse kjo është ajo që edhe unë kam qenë duke u përpjekur të bëj. Të nxitim njëri-tjetrin dhe të dalim çdo herë me ide të reja”, shprehet bukuroshja zeshkane.
Çifti, që kanë nisur lidhjen pas takimit në shesh xhirim në vitin 2014, luajnë në ngjarjet e zhvilluara pas Luftës së Parë Botërore, ai një roje fari i cili jeton në brigjet e Australisë Perëndimore me bashkëshorten.
E veshur me një fustan modest të zi nga Louis Vuitton në kover, ajo cilësohet si: “Drejtuesja e guximshme dhe sfiduese e “Hollywood”-it”.
Fotografuar nga Ryan McGinley, aktorja me origjinë nga Suedia, shfaqet me veshjet e koleksionit të fundit Vjeshtë/Dimër 2016.
*Shfleto galerinë
Burimi: Daily Mail
