Shtatorin e kaluar, Alexander Wang zbuloi një bashkëpunim surprizë me Adidas, kur disa nga modelet e tij u shfaqën në pasarelë me komplete sportive të gjitha të zeza me logon ikonë të markës të kthyer përmbysë.
Pas kësaj, linja me 84 veshje uniseks u shfaq në dyqanet e përkohshme në Nju-Jork dhe Tokios, por e gjithë linja nuk do të prezantohet deri në pranverë 2017.
Kur të prezantohet do të ketë më shumë veshje me ngjyra se sa mund të kemi parë në pasarela.
“Ky koleksion ka më shumë ngjyra ikonë të Adidas-it”, tha Wang për “The Wall Street Journal”, duke vënë në dukje se ai ishte i frymëzuar nga ngjyrat e guximshme të veshjeve të markës së atletikës.
Ende nuk janë publikuar imazhe nga koleksioni, por pritet t’i shohim së shpejti në Javën e Modës në Nju-Jork. Çmimet pritet të variojnë nga 80 dollarë në 450 dollarë.
Wang tha se ai po punon tashmë “për një koleksion të dytë” me zv/presidentin e dizajnit të Adidas-it, Nic Galway, duke dëshmuar se ky bashkëpunim mund të vazhdojë.
Burimi: Harper’s Bazaar
