Tashmë është zyrtare që emisioni “Apartamenti 2XL” është transferuar nga televizioni “Vizion Plus” në ekranin e “Tv Klan”. Për më tepër është zbuluar se ky spektakël humori do të quhet “Duplex” dhe do të transmetohet të shtunave në mbrëmje nga ora 20:00 deri në orën 22:00, duke spostuar edhe emisionin e Ermal Mamaqit nga orari “prime time”.
Producenti Turjan Hyska na ka treguar se tashmë kanë filluar edhe xhirimet për spektaklin “Duplex” duke postuar një video ku Albano Bogdo shfaqet duke luajtur rolin e një të burgosuri dhe na shkriu së qeshuri me batutat e tij.
“‘Duplex’, në vjeshtë, në vjeshtë…Së shpejti në ‘Tv klan’!”, shkruan Turi krahas video-s që me siguri do t’iu bëjë të qeshni me lot.
